Byggðapot Kristjáns L. Möller ráðherra er eindregnara en forvera hans úr Framsókn. Hann er meiri Framsókn en Framsókn sjálf. Samfylkingarmaðurinn tekur göng undir Vaðlaheiði fram yfir vegagerð á höfuðborgarsvæðinu. Þórunn Sveinbjarnardóttir ráðherra líkist æ meira Siv Friðleifsdóttur, forvera sínum. Brátt verður risið nýtt stórvirkjanaæði. Björgvin G. Sigurðsson ráðherra er úr Hreppunum og þjónar landbúnaðinum. Össur Skarphéðinsson bloggar eins og grúppía um George W. Bush. Og Ingibjörg Sólrún Gísladóttir þjónustar Nató í Afganistan. Hver þarf Framsókn, þegar Samfylkingin dugar?
