Seðlabanki Íslands nýtur einskis trausts, hvorki innanlands né utan. Honum er talið stjórnað af bjánum. Bandaríski seðlabankinn vill ekki gera sama samning við Ísland og hann gerði við Norðurlönd. Öryggisálag á Ísland er komið upp í skýin af þessum völdum. Menn treysta ekki seðlabanka, sem er notaður til að útvega aflóga forsætisráðherra kaup ofan á rífleg eftirlaun. Menn líta erlendis á Davíð Oddsson sem fyrirbæri. Í kringum hann í bankanum eru veikir undirbankastjórar og deildarstjórar. Þeir hafa hvorki bein í nefinu né neina fjármálaþekkingu til að skrúfa fyrir Davíð og smjörklípurnar hans.
