Gott væri, að rugludallar fylgdu algengri líkindafræði og hefðu rétt fyrir sér í annað hvert sinn. En rangfærslur eru margs konar, svo þeir geta nánast alltaf haft rangt fyrir sér. Þannig er Sigmundur Davíð ævinlega fáfróður. Sannaði það enn einu sinni í gær, þegar hann fræddi okkur um útlendan sýkil. Vigdís Hauks er eins fáfróð. Opni hún munninn, kemur bara út bull. Eftir sumarhlé opnaði hún sig í vikunni. Sagði ríkisstarfsmenn æviráðna og ekki hægt að reka þá fyrr en eftir þrjár aðvaranir. Sagði umboðsmann skuldara vera á kostnað ríkisins. Sagði ríkisstjórnina hafa aukið ríkistekjur. Allar voru þessar fullyrðingar rangar.
