Dagbækur Matthíasar breyttu söguskoðun fólks. Vinstri menn hættu að tala um Moggann sem hinn sanna fjölmiðil. Sem hinn ábyrga fjölmiðil. Sem sjálfa sagnfræðina. Vilja núna halda leyndu, að þeir þágu að koma í hádegissnittur hjá Matthíasi og Styrmi. Til að skiptast á lygasögum og slúðri. Til að þykjast hafa lesið ljóðin. Mogginn er afhjúpaður sem sjúk valdastofnun í gervi fjölmiðils. Byggð á því sjálfhverfa slúðri, sem sjá má í dagbókunum. Í framhaldi geta menn velt fyrir sér yrkingum Matthíasar í skjóli Moggans. Var hann skáld eða bara einn af skjólstæðingum Morgunblaðsveldisins?
