Spunakarlar skilanefndar, fjármálaeftirlits og viðskiptaráðherra hafa komizt að samkomulagi um að hengja Eggert Pál fyrir Lárus. Yfirlögfræðingurinn lék einleik, segja þeir, en ekki formaður skilanefndar Landsbankans. Þótt komið hafi í ljós tölvupóstur, sem sýnir frumkvæði Lárusar Finnbogasonar. Eðlilegt framhald af þessari útskiptingu sökudólgs er, að Eggert Páll Ólason verði rekinn. Enginn getur verið yfirlögfræðingur í ríkisbanka eftir að hafa leynt gerðum sínum fyrir skilanefnd. Málið er brottrekstrarsök beggja, hvor sem tekur á sig sökina, yfirlögfræðingurinn eða skilanefndarformaðurinn.
