Rafræn skilríki eru framtíðardraumur, sem verður að nútímamartröð. Samfélagið er á leið til þrælabúða, þar sem þrælarnir ganga með örmerki í stað ökklabands. Kostnaður af framkvæmd draums og martraðar verður lagður á herðar þrælanna. Þar fjúka tugir milljóna alls af ráðstöfunarfé fólks. Þetta er lítið, en mikilvægt skref í að herða fjötra íslenzkra þræla. Hafa lengi unnið með sveittan skallann við að bæta hag greifa, fyrst afurðasölugreifa, síðan útrásargreifa og loks kvótagreifa. Viðskiptalegir og pólitískir bófaflokkar greifanna náðu tökum á samfélaginu. Eiga ríkið, stjórnmálaflokka, yfirkontórista, dómara og fjölmiðlana.
