Moskumál Framsóknar hefur verið lærdómsríkt. Gefið mér færi á að draga gamlar kennslubækur úr bókaskápnum. Rifjað upp fyrir mér rætur rasisma í fræðunum og skilgreiningu hans sem óbeit á fólki, er hefur annan lit eða þjóðerni, aðra trú eða siði, aðra tungu eða menningu. Rasismi er bara ótti við hið ókunna og hatur á því. Bandaríkjamenn skrifuðu um kúgun svertingja og Evrópumenn um ofbeldi gegn gyðingum. Þjóðremba er moldin, sem nærir rasisma. Þótt ekki séu allir framsóknarmenn rasistar þá eru allir rasistar framsóknarmenn. Þar á meðal Breivik-istar. Enda tóku engir flokkar undir kosningabeitu Framsóknar.
