Framsókn á að vera afturhald í landbúnaði, berjast fyrir fjárveitingum til byggða og gæluverka. Heimta göng og ígildi stóriðju í hvern hrepp. Ekki mæra Evrópusambandið að hætti Halldórs Ásgrímssonar og Valgerðar Sverrisdóttur. Hata Evrópu eins og pestina, segja hana nauðga fjallkonunni. Þannig skilur Framsókn sig frá öðrum flokkum, aflar sér fylgis að nýju. Hún hefur fundið Kára og Björn að baki Kára. Það eru þeir Guðni formaður og Bjarni í Silfri Egils. Aðrir flokkar bítast um fylgi venjulegra aumingja, þar er ekki pláss fyrir Framsókn. Hún á að vera sveitavargur stjórnmálanna.
