Sagt er, að fyrirtæki í eigu Spilluga hafi þegið greiðslur frá Orku Energy árið 2012. Hann svarar með því að sýna meint afrit af sinni skattskýrslu, sem er allt önnur Ella. Þannig hefur öll framganga Spilluga verið í mútumálum sínum. Svör hans svara engu og kalla á frekari spurningar. Að þessu leyti er hann vitgrennri en Hanna Birna. Fálkaleg undanbrögð magna grunsemdir um fúlan pytt spillingar. Eins og Hanna Birna hyggst hann þreyja þorrann. Með þessum aðferðum er hætt við, að þorrinn verði andskoti kaldur og napur, áður en upp er staðið. Spillugi hefur einfaldlega ekki greind til að standa í svona sjónhverfingum.
