Samkvæmt nýrri skoðanakönnun hafa Ástralíumenn, sem áður voru helztu stuðningsmenn Bandaríkjanna, snúist gegn þeim. Fleiri Ástralíumenn eru núna hlynntir samstarfi við Kína og Japan en Bandaríkjunum. Þessi niðurstaða hefur komið á óvart, því að hingað til hefur Ástralía verið mikilvægasta stuðningsríki Bandaríkjanna á eftir Bretlandi í stríðinu gegn Írak. Samkvæmt rannsókn, sem tengist könnuninni, eru Ástralíumenn ósáttir við einleik Bandaríkjanna í málefnum heimsins. Meirihluti Ástralíumanna jafnar hættunni frá Bandaríkjunum við hættuna frá hryðjuverkamönnum. Sjá grein í IHT.
