Í vor tókst Sjálfstæðisflokknum að þvinga stjórnarskrána í tímahrak vegna linku lélegra verkstjóra á Alþingi. Þjóðaratkvæðinu var frestað frá vori til hausts vegna þessa. Núna miðast öll viðleitni Flokksins á þingi við að tefla málinu aftur í tímahrak. Í von um, að kjörtímabilið fjari út án þess að Alþingi geti afgreitt málið. Því mun Bjarni Benediktsson tala tungum tveim. Öðrum þræði mun hann opna alla möguleika á endalausu þjarki við meirihlutann um orðalag stjórnarskrárinnar. Hins vegar mun hann gernýta allt svigrúm, sem hann fær til málþófs. Gegn þessu má einfeldni verkstjóranna sín lítils.
