Fráleitt er, að Lehman bræður hafi valdið hruni Íslands 2008. Landsins beztu synir í bönkum og útrás, kannski 30 manns, ollu hruninu. Nutu að vísu stuðnings oddvita frjálshyggjunnar, einkum Seðlabankastjóra. Stefna og pólitík Flokksins bjó í haginn fyrir þá, sem blekkja, svindla, brjóta lögin, ljúga, falsa bókhald og víkjast undan ábyrgð. Sjálfstæðisflokkurinn skipulagði eftirlitsleysi með bönkum. Þetta var heimatilbúinn vandi með rótum í blindri ofsatrú á sjálfvirkni markaðarins. Saman var soðið stjórnlaust fjármálakerfi, sem sprakk með látum. Erlendir aðilar komu lítið við þessa harmsögu Flokksins og þjóðarinnar hans.
