Almennt hafa veitingahús borgarinnar gott orð á sér erlendis, enda eru kokkar vel menntaðir. Sést greinilega af ummælum gesta á TripAdvisor.com. Ferðafólk telur, að hægt sé að koma hingað beinlínis til að borða á góðum matstöðum. Fiskréttastaðir eru í mestu uppáhaldi, svo sem Sjávarkjallarinn, Sjávargrillið, Humarhúsið, Höfnin og Fiskmarkaðurinn. Fremst allra er þó Fiskfélagið á Grófartorgi við austurenda Vesturgötu. Á TripAdvisor má um það langa röð meðmæla, sem flest eru uppi í skýjunum. Fiskfélagið er sannkölluð þjóðargersemi. Frægðarstaður, sem er einn af hornsteinum ferðaþjónustunnar.
