Björgvin Sigurðsson er þreytandi þrasari. Fer að tala um annað, þegar hann sætir gagnrýni. Er sakaður um að falsa ráðherrafortíð sína í nýjum greinum. Til vitnis um það eru leidd orð hans fyrir hrun. Þau sýndu aðdáun á útrás loftbólumanna. Eru horfin af vefsvæði hans, en finnast á nýjum vef Landsbókasafnsins. Hann getur ekki útskýrt hvarfið. Fer því með langt mál um, hvenær textinn hvarf af netinu. Og hvaða tæknilegar orsakir séu þar að baki. Þetta er eina vefsvæðið, sem þarf að loka til að lagfæra það. Björgvin mun samt áreiðanlega ekki í náinni framtíð fjalla um sjálft málsefnið.
