Örlög ráða ekki erfiðleikum þínum. Þau koma ekki að ofan frá Urði, Verðandi eða Skuld. Það voru kjósendur Framsóknar og Sjálfstæðis, sem ákváðu að valda þér fjárhagstjóni og öðrum erfiðleikum. Þeir ákváðu, að þú mundir ekki lifa góðu lífi innan um alla auðlegðina í hafinu, í orkunni, í ferðafólkinu. Kjósendur stjórnarflokkanna ákváðu, að allur arður þjóðarauðsins rynni til greifa af ýmsu tagi. Og þú hefur látið það viðgangast. Hefur ekki einu sinni kvartað við þann örlagavald, sem þú þekkir í fjölskyldunni, í húsinu, vinnunni. Hefur ekki lýst hneykslun þinni á, að hann láti þjóðinni vera stjórnað af gráðugum bófaflokkum.
