Til siðs er, að dómarar kveðji til sérfróða meðdómendur, þegar deilt er um fagmál fyrir dómi. Til dæmis eru kvaddir til meðdómendur, þegar deilt er um skemmdir á húsum. Ein undantekning er á þessari reglu. Þegar fjallað er um fagmál fjölmiðlunar, þykjast dómarar sjálfir vera fullgildir sérfræðingar. Kalla ekki til neina sérfróða meðdómara. Þannig verða til furðulegir dómar. Til dæmis með utangátta túlkunum á orðum og setningum. Til dæmis um, hvað eigi erindi til fólks og hvað ekki. Einkum er þetta áberandi í Héraðsdómi Reykjavíkur, sem á sér margra ára sögu fáránlegra dóma gegn fjölmiðlungum.
