Jordan Chark er yfirburða námsmaður frá Kanada, sautján ára gamall. Lærði íslenzku á þremur árum. Kom til Íslands í sumar til að gera betur. Svo vel gekk, að eftir mánuð fékk hann að hefja nám á öðru ári. Til skamms tíma bjó hann á Garði. Svo kom babb í bátinn. Tuttugu lagatæknimenntaðar íhaldsfrúr hjá Útlendingastofnun komust að þessu og ráku Chark úr landi. Beittu fyrir sig lagatækniflækju. Chark fór því af landi brott í gær, áður en löggan tæki hann. Oft kemur fram, að risavaxin Útlendingastofnun gerir nánast ekkert. Þá sjaldan, sem það gerist, er útkoman að hætti Réttarhalda Franz Kafka.
