Líta þarf á fleiri en bankastjóra og yfirmenn í bönkum. Þeir létu eigendur bankanna og gæludýr þeirra greipar sópa um bankana og gerðu þá gjaldþrota. En fleiri komu að málinu. Þekkt endurskoðunarfyrirtæki gerðu glæpamönnum kleift að ræna og rupla og að koma þýfinu undan í skattaskjólum. Þau léku hér á landi sama hlutverk og Arthur Anderson LLP lék hjá Enron vestanhafs. Undarlegast í málinu er, að kallað er í þessi sömu fyrirtæki, þegar endurskoða þarf eigin svínarí þeirra sjálfra og skipa þarf í skilanefndir banka. Bólufyrirtæki eins og KPMG eiga ekki að koma nálægt björguninni.
