JGB heimtar á næstöftustu síðu Fréttablaðsins í gær, að ég skammi Stöð tvö fyrir tvöfeldni Telmu Tómasdóttur. Hún er í senn fréttaakkeri stöðvarinnar og spunakerling landsmóts sirkushesta. Auðvitað er ég á móti slíkri blöndu. Hún stríðir gegn hefðbundnum starfsháttum blaðamanna. Hún dregur úr trausti á Stöð tvö sem fréttamiðli. JGB titlar mig af þessu tilefni “refsivönd fjölmiðla”. Ég þakka heiðurinn, sem felst í orðunum. Hins vegar hef ég ekki burði til að fylgjast með öllum vanda íslenzkra fjölmiðla. Hef mörg járn í eldinum og missi því af mörgu, sem stendur í eða sagt er í fjölmiðlunum.
