Pólitíkusar eru sannfærðir um bezta kosningamálið. Skýra fylgi Framsóknar sem afleiðingu af bezt heppnuðu sjónhverfingunni. Samt er Flokkurinn með sömu sjónhverfingu, bara varlegar orðaða. Kosningamál vinsælu flokkanna felst í að láta skuldir hverfa og framleiða peninga með sjónhverfingum. Í lýsingu snákaolíu-sölumanna flokkanna gerist þetta þannig: Horfnar skuldir leiða til aukinnar veltu, sem skapar gróða í peningum. Nýir seðlar birtast bara eins og riddaralið með lúðrablæstri í bíó. Kjósendur taka þessu eins fagnandi og þeir taka Nígeríubréfum, Ponzi-braski og keðjubréfa-faraldri.
