Las alltaf skemmtilega kjaftforar greinar Halldórs Jónssonar verkfræðings í Mogganum. Löngu síðar varð hann þekktur sem einn helzti liðsforinginn í her kóngsins í Kópavogi. Gunnar I. Birgisson hefur núna lengi verið fjarri stóli bæjarstjóra. Þess vegna eru arftakarnir farnir að finna rykfallin góðverk í skúmaskotum. Fleiri en dóttirin njóta góðverka Gunnars. Halldór hefur fengið 71 milljón króna á fimm árum frá kónginum. Meira en milljón á mánuði. Ekki fyrir nein verkfræðistörf, heldur fyrir að skoða reikninga bæjarins. Eflaust mun uppljóstrunin magna sigurgöngu kóngsins í prófkjöri flokksins í bænum.
