Lífeyrissjóður verzlunarmanna er einna verst rekni lífeyrissjóður landsins. Þar eru allir á ofurlaunum. Hæstan ber þar auðvitað hinn landsfræga Gunnar P. Pálsson, sem talar tungu græðgisvæðingar launþegasamtakanna. Samt hefur þessum risasjóði tekizt að tapa 30% af eigum lífeyrisþeganna. Það er met í bankahruninu, meira en í sumum peningamarkaðssjóðum. Stafar af ástarsambandi sjóðsins við Kaupþing, þar sem Gunnar Páll gamnaði sér í stjórn. Lét fúslega afskrifa skuldir yfirmanna bankans. Ef Gunnar Páll fengi markaðsvirði fyrir störf sín fyrir sjóðinn, væri það reiknað í vandarhöggum eingöngu.
