Ég skil ekki einæði kerfisins gegn vítisenglum. Efast um, að þeir séu eins umfangsmiklir í glæpum og látið er í veðri vaka. Þetta eru menn, sem ganga um með auglýsingar framan á sér og aftan. Amatörar, engir stórkarlar í fíkniefnasölu og handrukkun. Alvöru glæpamenn auglýsa ekki, hverjir þeir séu. Hvað hafa svo vítisenglar gert af sér, annað en að snapa fæting við aðrar klíkur montrassa á mótorhjólum? Eru einhverjar sannanir á takteinum? Í samanburði við ekta glæpamenn eru vítisenglar aumari en skátar. Þetta eru einkum hassbrunnir montrassar, sem snapa ýfingar við umhverfi sitt.
