Héraðsdómur Nígeríu dæmdi í dag níu góðborgara í átta daga fangelsi fyrir að óhlýðnast YFIRVALDINU með stórum stöfum. Þau settust niður í Gálgahrauni, þar sem YFIRVALDIÐ réðist á þau og dró þau harkalega upp í bíla. Fyrir þetta þurfa góðborgarar að borga kvartmilljón hver eða sitja inni í átta daga. Ekki er enn ljóst, hvaða fangelsi þarf að rýma til að koma fólkinu fyrir. En Ástríður Grímsdóttir hefur eindregið skipað Íslandi í fylkingu frumskógaríkja, þar sem YFIRVALDIÐ er æðra mannréttindum. Samkvæmt úrskurði hennar er ljótt að mótmæla friðsamlega, enda vita allir, að VEGAMÁLASTJÓRINN er óskeikull guðs sonur.
